Bo Nadal

A xunta directiva do Club Baloncesto Bonaval quere achegarse aos vosos fogares nestas datas familiares para desexarvos

Bo Nadal e Ledo Aninovo

76 Bonaval - Basketdeza 36

Sábado 10 de decembro, 20h. Colexio La Salle.

Partido sen moito que contar. Os de Lalín acudiron a La Salle con tan só cinco xogadores e ata ahí xogaron o primeiro cuarto cun parcial de 21-14 ao noso favor. Despois diso fóronse lesionando dous deles con problemas musculares, un seguiu xogando pero outro tivo que parar no terceiro periodo. No derradeiro cuarto dous xogadores visitantes autoexpulsáronse. Práticamente nin defendimos nin atacamos máis.
Por desgraza hai que resaltar a lamentable educación do número 15 de Basketdeza que tralo descanso dedicouse a facer faltas, protestar e aínda logo de expulsado insultar aos nosos xogadores negándolle a man ao final do encontro. É unha pena e unha vergoña atopar individuos que desprezan dese xeito o deporte que practicamos. Grazas a Deus o baloncesto é outra cousa. Esta é a primeira vez e esperemos que a última que temos a obriga de facer un comentario así.
O contrapunto, outro xogador do mesmo equipo, que con problemas seguiu xogando ata o final do encontro pedindo logo disculpas por vir nesas condicións, con tan só cinco xogadores, dándose conta de que se estragou unha tarde de baloncesto e sendo consciente de que custa tempo e cartos desputar os partidos.
Pola nosa banda destacar o acerto no tiro de Fran, xuvenil de La Salle.

Este triste encontro foi o derradeiro antes do parón de Nadal. Na vindeira xornada tócanos descansar.

Xornada 9

4ª división sénior masculina, grupo C:
Bonaval - Basketdeza
Sábado 10 de decembro ás 20h en La Salle


1ª división autonómica femenino:
La Salle - Celta Universidade de Vigo
Domingo 11 de decembro ás 19h en La Salle

66 Amigo del Vía - Bonaval 53

Derrota clara por 13 puntos ante o Amigos del Vía. Partido desputado nunha triste e morriñenta tarde de outono no polideportivo do Cruceiro de Santa María, en Arzúa.

Resumo do partido: segundo cuarto 13-2. Resultado ao descanso 27-12. Xogador número 13 do Amigos del Vía (Sanmartín) 25 puntos e infinitos rebotes defensivos e ofensivos, ademáis de cargar de faltas aos nosos dous postes con suma rapidez. O partido estaba decidido por estes factores aos que sumamos un desacerto demasiado grave do Bonaval de cara o aro no segundo cuarto. Sendo así é xusto tamén loubar a entrega dos de vermello trala reanudación. Conseguimos poñernos a tan só cinco puntos o final do terceiro cuarto, pero nos tiros decisivos sinxelos que tivemos quedando catro minutos erramos, o que sentenciou definitivamente un partido que estaba perdido no descanso e que tivemos fe de poder gañar hasta case os últimos minutos cando os nosos tiron non entraron e os seus si.

Victoria medianamente cómoda para Amigos del Vía e nova derrota para o Bonaval.

Próximo partido, o último antes do parón de Nadal, contra Basketdeza.

Xornada 8

Amigos del Vía - Bonaval

Domingo 4 de decembro ás 17h no municipal de Arzúa (creemos que no Cruceiro de Santa María)

53 Bonaval - Dietéticos Lar 52

Victoria por un só punto ante un equipo novo na categoría pero cheo de xogadores que levan anos xogando ao baloncesto en santiago en diferentes equipos. O partido, coma novidade, comenzou moi ben para os locais cun parcial no primeiro cuarto de 15 - 6. É probable que os rivais non esperansen unha defensa individual. Hoxe Bonaval xogou con ritmo exceptuando o último cuarto. O partido decidiuse nos tiros libres finais. Tras anotar os de vermello dous tiros libres con nove segundos no marcador, o equipo visitante solicitou tempo morto xogándo un un contra un que finalizou nunha boa penetración, na que os visitantes sacaron falta anotando os dous tiros libres a falta de cinco segundos. Neses cinco segundos, agotados os tempos mortos, cruzamos o campo e conseguimos un tiro sobre o que os visitantes fixeron falta. Nico tirou dous tiros libres co tempo esgotado errando o primeiro pero anotando o segundo conseguindo así a victoria.



Antes do noso partido xogaron as chicas de autonómica co seguinte resultado nun partido cunha pésima primeira metade e un gran segundo tempo.

Partido da 1ª división autonómica femenina correspondente a xornada 9:
La Salle 65 - Porriño Bto. Base Canteiras Grupo Pescanova 59

Xornada 7

Bonaval - Dietéticos Lar
Sábado 26 de novembro ás 20h, colexio La Salle

Antes do noso partido, ás 18h, xógase no mesmo pavillón o encontro de 1ª división autonómica femenina entre La Salle e Porriño.